Vi har auka oppdragsmengde innan driving og rehabilitering av tunnelar og treng fleire dyktige anleggsformenn til å gjennomføre oppdraga våre. Det første prosjektet ein vil vere knytt til, er Tussa II-prosjektet på Bjørke.

Aurstad er eit norsk anleggsentreprenørkonsern som byggjer infrastruktur, til dømes vegar og tunnelar, flyplassar, kraftanlegg og kommunaltekniske anlegg. Hovudkontoret vårt ligg i Hovdebygda i Møre og Romsdal, men vi har òg kontor i Nordfjordeid, Ålesund og Bodø. Marknadsområdet vårt er hovudsakleg Vestlandet, men vi tek på oss prosjekt i store delar av Noreg.

Vi har om lag 150 tilsette i Aurstad. Arbeidarane er kjernen i firmaet og legg grunnlaget for suksessen vår. Difor er det viktig at dei tilsette har god kompetanse, er gode lag- og relasjonsbyggjarar og er motiverte. Vi treng arbeidarar som viser ansvar, tek initiativ og er engasjerte i arbeidet sitt. Dette er avgjerande for å skape effektiv drift i prosjekta våre.

Arbeidsoppgåver:

Ansvar i nært samarbeid med anleggs- og prosjektleiar, med vekt på følgjande:

• Leie det daglege arbeidet ute i felt i samsvar med kontrakt og planar, og gjennomføre lagsmøte
• Sørgje for at nødvendig arbeidsgrunnlag er på plass
• Bemanningsplanlegging og innrapportering av personell
• Sørgje for at personell, maskiner og utstyr er godkjende etter gjeldande krav, og at dokumentert opplæring/typeopplæring er gjennomført
• Mottakskontroll av varer
• Gjennomgang av timeregistrering og attestasjon

Vi ser etter deg som har/er:

• Relevant utdanning og arbeidserfaring
• Leiarerfaring
• Gode IT-kunnskapar
• Gode ferdigheiter i norsk, skriftleg og munnleg
• Gode haldningar til kvalitetsarbeid, HMS og miljø
• Gode kommunikasjons- og samarbeidsevner
• Lag- og relasjonsbyggjar
• Påliteleg, ansvarsmedviten og nøyaktig
• Initiativrik og handlekraftig
• Analytisk og resultatorientert

Relevant erfaring frå liknande stilling vil bli vektlagd.

Vi tilbyr:

• Godt arbeidsmiljø
• Spennande prosjekt
• Innovativ arbeidsplass der du får vere med på å skape, med korte avgjerdsvegar
• Konkurransedyktige løns- og pensjonsordningar
• AFP-bedrift

Er du den nye formannen vår med interesse for både planlegging og praktisk arbeid? Hugs å sende søknad og CV i skjemaet under.

Søknadsfrist: 23. oktober 2026. Innkomne søknader blir vurderte fortløpande.

Kontaktinformasjon: Andor Ø. Håskjold, tlf. 907 55 838