Statnett har innstilt Aurstad AS til oppdraget med å oppgradere Ørsta transformatorstasjon.

Formålet med prosjektet er å møte den aukande etterspurnaden i regionalnettet. Dette omfattar mellom anna utviding av stasjonsområdet og 420 kV-felt, ny transformatorcelle, justering av 420 kV-kraftline, logistikkløysingar (nytt kaihakk på Sæbø) samt ulike sikringstiltak. Målet er betre forsyningstryggleik og eit styrkt grunnlag for næringsverksemd i regionen.

Jo Stian Tverberg, administrerande direktør i Aurstad, var godt nøgd etter å ha fått nyheita om at selskapet er innstilt som nummer ein i utviklinga av det lokale prosjektet.

– Aurstad har hatt fleire prosjekt i samarbeid med Statnett både regionalt og nasjonalt. Vi er glade for at Statnett på nytt vurderer Aurstad til å inneha rett kompetanse og kapasitet til å gjennomføre denne type prosjekt på ein god måte, seier Jo Stian Tverberg.

Aurstad har brei erfaring og solid kompetanse innan fagområda som er kravde i oppgraderinga av Ørsta transformatorstasjon.

– Dette er eit prosjekt som treff kompetansen vår svært godt. Vi har lang erfaring med komplekse anleggsarbeid. Vi ser fram til sikre god framdrift, høg kvalitet og trygge løysingar gjennom heile prosjektet. Vi sett etter planen i gang med arbeidet når vinteren gir slepp, seier Tverberg.

Prosjektet omfattar følgjande arbeid:

• Grunnarbeid i samsvar med byggherren si detaljprosjektering
• Jordingsanlegg
• Standard sjakt for transformator (om lag 370 m²)
• Fundament for apparatanlegg
• Eitt fundament for innstrekkstativ
• Kabelkanalsystem for kablar til kontrollanlegg
• Føringsvegar for lågspenningskablar, signal- og fiberkablar
• Etablering av løysing for sløkkevatn
• Ledevoll mot sørpeskred nordvest for stasjonsområdet
• Kaihakk med pullertar og tilhøyrande tilkomstveg i Sæbø sentrum
• Delvis endring av trasé for tryggingsgjerde rundt stasjonen

For å få eit innblikk i Aurstad-livet, følg oss gjerne på Facebook for fleire oppdateringar frå prosjekta våre.